Пол Макартни речиси ќе ја напуштел музиката по распадот на „Битлси“ | Видео

486

Поранешниот член на познатата ливерпулска четворка Битлси, Пол Макартни, според сопственото признание, бил депресивен по распадот на бендот и размислувал да се повлече од музиката.

Разделбата не била лесна за членовите на така популарен бенд.

– Беше тешко да се знае што да се работи после „Битлси“. Како да се продолжи после тоа, рече Пол Макартни.

Поранешниот член на „Битлси“ изјави дека се разделил од неговите долгогодишни пријатели и дека бил депресивен, јави Би-Би-Си.

пол1-001

The star said he formed Wings “to get over the shock of not being in The Beatles any more”

Групата официјално се раздели во 1970 година со објавувањето на песната Let it Be, но несогласувањата меѓу нив почнале една година порано кога Ален Клајн стана менаџер на бендот на што Пол Макартни се противел.

Познатиот бенд од Ливерпул чии членови беа Џон Ленон, Пол Макартни, Ринго Стар и Џорџ Харисон и кои предизвикаа револуција во светот на рок и поп музиката, комерцијално се најпопуларен бенд во светот во текот на неколку години работа (1962-1970). Тие останаа многу популарни и по распадот на групата.

„Битлси“ имаат објавено 12 албуми меѓу кои еден двоен, 12 макси сингла и 22 сингла во Велика Британија.