Оревот е неверојатен извор на вредни хранливи состојки. Содржи антиоксиданси, квалитетни масни киселини, железо, калциум, магнезиум, фосфор, цинк, манган, селен, витамини Б, Е и К.
Само 30 грама ореви на ден значително да го подобри вашето здравје.
Го чува здравјето на срцето
Редовното консумирање на ореви значително го намалува ризикот од срцеви заболувања.
Оревите содржат големи количини на алфа- линоленска киселина. Таа е вид на омега-3 масни киселини, кои се среќаваат само во растенијата и играат важна улога во одржувањето на здравјето на срцето.
Алфа – линоленската киселина штити од воспаление и стврднување на крвните садови, го намалува ризикот од срцев удар и го нормализира крвниот притисок.
Важна е за когнитивните способности и нормален развој на организмот.
Според студијата објавена во весникот American Journal of Clinical Nutrition јадењето ореви го намалува ЛДЛ холестеролот и го зголемува нивото на добриот холестерол.
Спречува рак на дојка и на простата
Оревот содржи големи количини антиоксиданси и анти-воспалителни супстанции, па затоа не е чудно што има значителен ефект во спречувањето на ракот.
Истражувањето спроведено на Marshall University School of Medicine во Западна Вирџинија потврдува дека фитостероли и антиоксиданси во оревите можат да спречат рак на дојка.
Оревите, исто така, влијаат на рак на простата, потврдуваат новите студии.
Продолжува на страна 2
Штити од дијабетес
Мононезаситените и полинезаситените масти пронајдени во оревите помагаат во одржувањето нормално ниво на инсулин во крвта.
Истражувањето спроведено на Харвардската Школа за јавно здравство откриле дека жените кои консумирале 30 грама ореви пет пати неделно имале 30% помал ризик од развој на дијабетес тип 2.
Богат извор на антиоксиданси
Во оревите има голем број на фитокомпоненти, како што се елагинска киселина, мелатонин, витамин Е, полифеноли и каротеноиди – сите овие супстанции служат како антиоксиданси.
Овие соединенија можат да му помогнат на вашето тело во борба против стареењето, ракот, невролошките болести и воспаленија.
Ја подобрува работата на мозокот
Големи количини на омега-3 масните киселини во оревите го прават одлична храна за мозокот.
Речиси две третини од Американците имаат дефицит на омега-3 масни киселини.
Недостаток од него може негативно да влијае на правилното функционирање на мозокот.
Една студија на Универзитетот Пурдју покажа дека децата со недоволно внесување на омега -3 масни киселини имаат тешкотии во учењето и однесувањето.
Го ублажува стресот
Оревот е богат извор на омега-3 масни киселини.
Познато е дека омега-3 помага во намалување на симптомите на депресија, хиперактивност и Алцхајмерова болест.
Ореовот и неговото масло придонесуваат за намалување на нивото на стрес и го намалува високиот крвен притисок предизвикан од стрес – објави во списанието Journal of the American College of Nutrition.
Помага со несоницата
Дали имате проблеми со несоница? Избегнувајте земање апчиња за спиење, бидејќи многу од нив имаат несакани ефекти.
Наместо тоа, изедете пет ореви по вечерата, бидејќи тие овозможуваат мирен сон.
Продолжува на страна 3
Ја храни кожата
Ореовото масло ја штити кожата и ѝ го враќа младешкиот изглед. Се користи во многу производи за нега на кожата и како масло за масажа. Витаминот Е пронајден во оревите е, исто така, многу добар за кожата.
Го намалува воспалението
Омега- 3 масните киселини во оревите имаат анти-воспалително дејство, со што се намалува ризикот од кардиоваскуларната болест, срцев удар, мозочен удар, хипертензија, рак на дебелото црево, простатата и дојката.
25 грама на ова овошје ќе ве снабдува со 90% од дневната доза на високо-квалитетни масни киселини.
Купување, чување и примена на оревите
Ако си купувате исчистен орев (без лушпа), обрнете внимание на бојата и мирисот.
Оревот има голем процент на масни супстанции кои брзо засилуваат. Ако почувствувате чуден мирис, не го купувајте.
Ако купувате спакувано јадро на оревите, внимавајте на рокот на траењето и земјата на потекло. Јадрото на оревите не треба да биде многупати скршено, туку треба да биде во форма на половина и четвртина.
Оревите чувајте ги на ладно и суво место. Ако не планирате да ги потрошите во брзо време, ставете ги во фрижидер или замрзнувач.
Оревите можете да ги консумирате самостојно, да ги додадете во оброците од овошје или зеленчук, преливите, сосовите, сладоледот, колачите.
Сепак, најмногу хранливи состојки ќе добиете од неварени ореви, кои пред тоа сте ги потопувале во ладна вода.