Сите глобални климатски рекорди беа срушени минатата година, предупреди во вторникот Светската метеоролошка организација (WMO), изразувајќи особена загриженост поради затоплувањето на океаните и топењето на морскиот мраз.
Во својот годишен извештај за состојбата на глобалната клима, WMO истакна дека просечните температури го достигнале највисокото ниво во последните 174 години мерење – 1,45°C над прединдустриските нивоа.
Температурите на океаните се највисоки во последните 65 години, а повеќе од 90 отсто од морињата има доживеано топлотен бран, според WMO.
WMO прогласува црвен аларм за светот, изјави генералниот секретар на WMO Celeste Saulo, која ја презеде функцијата во јануари.
Она што го доживеавме во 2023 година, особено невиденото затоплување на океаните, повлекувањето на глечерите и губењето на морскиот мраз на Антарктикот, е причина за особена загриженост.
Климатските промени, предизвикани од согорувањето на фосилните горива, заедно со климатскиот феномен El Niño, го собориле рекордат во 2023 година.
Научниците предупредуваат дека 2024 година може да биде полоша бидејќи El Niño ги зголемува температурите.
Во извештајот се предупредува на големо намалување на морскиот мраз на Антарктикот. Највисокото измерено ниво е за милион квадратни километри помалку од претходниот рекорд, приближно колку Египет.
Тој тренд, во комбинација со затоплувањето на океаните што предизвикува ширење на водата, придонесе за повеќе од двојно зголемување на нивото на морето во изминатата деценија во споредба со периодот 1993-2002 година, според WMO.
Топлината е концентрирана во Северниот Атлантик каде температурите се просечни 3°C над просекот до крајот на 2023 година, се вели во извештајот.
Повисоките температури на океаните влијаат на чувствителните морски екосистеми и многу видови риби избегале северно од областа во постудени води.
