Со помош на вештачка интелигенција, ќе можете да преведувате стар текст од јазик што никој повеќе не го зборува или разбира.
Научниците од американскиот МИТ решија да ги искористат способностите на вештачката интелигенција за дешифрирање на старите записи на изгубените јазици.
Десетици „мртви јазици“ се сметаат за изгубени или записите од нив повеќе не можат да се дешифрираат затоа што нема информации за самиот јазик што би помогнале во разбирањето.
Иако со „мртвите јазици“ главно се занимаваат академици, нивното дешифрирање треба да биде важно за секого, бидејќи не знаеме какво богатство на знаење можат да сокријат.
Затоа истражувачите од МИТ одлучија да побараат помош во вештачката интелигенција. Поточно, тие развија нов систем за машинско учење кој покажа дека тој може автоматски да дешифрира „мртов јазик“, без потреба од дополнително знаење за поврзаноста на тој со друг јазик. Покрај тоа, системот може да користи анализа за да најде врски помеѓу јазиците што научниците досега не успеаја да ги поврзат.
Системот се заснова на неколку принципи и знаења за лингвистиката, како што е тоа што јазиците обично се развиваат на сличен и предвидлив начин.
Како што истакнуваат од МИТ, нивната главна цел е системот да може да го дешифрира „мртвиот јазик“ што им задава главоболки на научниците со години, бидејќи досега тие не биле во можност да го поврзат тој јазик со кој било постоечки. Ако успеат во намерата, тоа може да им ја отвори вратата на големото „изгубено“ знаење што со години се обидуваат да го отворат.