Турција е се поблиску до ставање во употреба на нов воен дрон и зајакнување на својот воздушен арсенал.
Новиот турски воен дрон Kizilelma, на компанијата Baykar, го направи првиот краток лет. Kizilelma „ги рашири крилјата“ над пистата во центарот за обука и тестирање на летови Akinci во Турција.
Станува збор за воен дрон со таканаречени стелт карактеристики.
Тестот во кој полета Kizilelma беше успешен, изјави главниот технолошки директор на Baykar, Selcuk Bayraktar. Тестот се состоеше од забрзување на дронот по пистата и кратко полетување и низок лет над пистата и слетување. Kizilelma делуваше стабилно за време на краткиот лет, што може да се види на приложеното видео од Baykar.
Со оглед на тоа дека овој дрон веќе покажува подготвеност за својот прв официјален лет, веројатно нема да мора да чекаме премногу за тој настан.
Иако сегашната верзија на Kizilelma има еден мотор, има планови за верзија со двоен мотор на крајот. Од Baykar наведуваат дека планот е дронот да биде способен за воздушна борба, како и да врши разузнавачки, надзор и извидување (ISR) и ударни операции. Исто така, наводно, ќе биде опремен со некој вид на радар со активно електронско скенирање (AESA).