Ако добивате различни вредности при мерење на притисокот неколку пати по ред, проблемот веројатно е во тоа што не сте се подготвиле правилно.
Во нашата фотогалерија, дознајте што треба да направите за да добиете точни податоците од вашиот апарат за крвен притисок.
На луѓето со хипертензија им се препорачува секојдневно да го проверуваат крвниот притисок. Апаратот за крвен притисок може да се купи во секоја аптека, но клучно е мерењето на крвниот притисок дома да се врши според правилата на струката, бидејќи само така ќе добиете точни резултати.
Доколку ви се случи апаратот за мерење крвен притисок да покажува различни вредности неколку пати по ред, најверојатно проблемот не е во него, туку правите одредени грешки во процесот.
Во продолжение дознајте како правилно да го измерите крвниот притисок во пет чекори.
1. Испразнете го мочниот меур пред да го измерите крвниот притисок
Полниот мочен меур го прави човекот нервозен и немирен, што го зголемува крвниот притисок. Поради полн мочен меур, измерената вредност може да биде 5-10 mmHg повисока од реалната.
2. Одморете се
Потребно е да се одморите најмалку пет минути во фотелја или на стол, на местото каде што планирате да го измерите притисокот. Не зборувајте, не се возбудувајте, а од одење горе-долу откажете се – затоа што сето тоа го зголемува притисокот.
3. Прилагодете се правилно
Мора да седите на стол или на фотелја која ви е удобна. Покрај тоа, идеално би требало да имате потпора за рацете, грбот и нозете.
4. Положбата на раката е многу важна
Високо кренете го ракавот на раката на која ќе го измерите притисокот. Најдобро е да ја ставите раката на масата во ниво на срцето. Прв пат измерете го притисокот на двете раце, а која и да покаже поголема вредност, на таа ќе мерите во иднина.
5. Останете смирени
Не зборувајте и не се движите за време на мерењето. На резултатот може да влијае и возбудата, па поради тоа вредноста на притисокот може да биде неколку десетици mmHg повисок од реалниот.
Пред да го измерите притисокот, не смеете да пиете кафе или црн чај, бидејќи тие можат да ги зголемат вредностите, а избегнувајте ги енергетските пијалоци.