Најновата студија упатува на врската помеѓу внесот на тој витамин и на развојот на болеста.
Витаминот Д штити од некои видови на рак, покажало новото истражување, иако научниците се поделени околу корисноста на додатоците во исхраната со тој витамин, пишува Гардијан.
Витаминот Д игра важна улога во нашето тело, а особено е важен за зачувување на здравата состојба на коските и мускулите и спречување на болести како што е рахитисот.
Телото го произведува откако сончевите зраци ќе ја осветлат нашата кожа, а може да се најде и во некои прехранбени производи, како што се јајца и риба, но може да се земе и како додаток во исхраната.
Во новото истражување, јапонските научници успеале да ја докажат поврзаноста на витаминот Д и помалиот ризик од рак, особено ракот на црниот дроб.
“Ние веруваме дека витаминот Д има слаб, но значаен ефект на многу видови на рак”, изјави Taiki Yamaji, ко-автор на студијата од Националниот центар за рак во Токио.
Не е првпат да се покаже дека луѓето со ниско ниво на витамин Д имаат зголемен ризик од рак, но зошто е тоа така до денес не е сосема јасно.
Во најновото истражување објавено во списанието BJM, научниците забележале биолошки активна форма на витамин Д во примероците на крвта кај повеќе од 30.000 средовечни луѓе. Истражувањето траело повеќе од 16 години.
Научниците се фокусирале на податоците на 3.301 пациенти кои во тој период заболеле од рак и на податоците на 4.044 случајно избрани учесници, меѓу кои 450 имале рак.
Откако биле земени во предвид факторите како што се возраста, полот, статусот на пушењето и историјата на рак во семејството, како и сезонските промени во достапноста на витаминот Д, тимот на научници откриле дека зголемените нивоа на тој витамин е поврзан со намален ризик од развојот на ракот.
Продолжува на страна 2
Научниците објавиле дека тие не ја забележале разликата во ефектот кој витаминот Д го има во однос на полот на лицето.
Што се однесува до видот на ракот, истражувачите велат дека група на испитаници со внес на највисока доза на витамин Д имале 50 проценти помал ризик од развој на рак на црниот дроб.
Малку послаб ефект е забележан и кај ракот на дојката, додека за други видови на рак како што се ракот на белите дробови, ракот на дебелото црево и ракот на простата не е воспоставена директна врска со внесувањето на витаминот Д.
Научниците напоменуваат дека студијата можеби има недостатоци со оглед на тоа дека нивото на внес на витаминот Д биле мерени во фаза кога испитаниците можеби биле повнимателни кон своето здравје, па бројот на заболени од рак бил малку понизок.
Sophia Lowes од Центарот за истражување на ракот во Велика Британија вели дека иако студијата укажува на поврзаноста на внесот на витаминот Д и заболувањето од рак кај азиското население, тие наоди можеби не биле целосно применливи за општата популација.
Lowes додава и дека не е сосема јасно дали витаминот Д има директно влијание врз развојот на ракот или неговиот дефицит укажува на генерално послаба здравствена состојба.
‘Умерено уживање во сонцето во текот на летните месеци, со соодветна заштита на кожата, ги снабдува луѓето со сосема доволна количина на витамин Д”, изјави Lowes.
Julia Newton Bishop, професор по дерматологија од Универзитетот Leeds вели дека новите сознанија во согласност со претходните истражувања докажале дека витаминот Д всушност навистина заштитува од рак. Исто така, нагласува дека оваа нова студија се совпаѓа со претходно издадената препорака за земање на 10 микрограми витамин Д секој ден бидејќи цела година нема сонце во иста мерка.
Newton Bishop, исто така, рече дека студијата покажала дека витаминот Д има одреден ефект, но уште поважно е да се внимава на нивото на витаминот Д да не биде премногу ниско, туку да се настојува нивото на тој витамин во голема мерка да се зголеми.