Ти не сте член на парламентот.
Ти си ископала половина нива тутун со мотика, со рацете си развила три илјади кори за бурек и секој понеделник си ја возеле неговата мајка на лекар, и на пазар, додека тој работел на гипс во Германија, а жените во селото ти зборувале дека твојот живот е генијален затоа што тој ти праќал пари, а не си морала да го трпиш.
Е затоа ти посакувам среќен Ден на Жената.
Ти не си директорка на училиште. Ти си била сама со три деца, додека тој бил година дена на брод. Ти си била и мајка, и татко, и шофер, и дадилка, и си ги решавала сите проблеми додека тој бил среде Индискиот Океан, а комшивките ти зборувале како твојот живот е генијален затоа што големи пари заработувале морнарите.
И тебе ти посакувам среќен Ден на Жената.
Ти не си менаџер во фирма. Ти миеш чинии за минималец. Твоето дете носи твое презиме, “јунакот“ од првиот месец од бременоста не се јавил на телефон. Работиш на две места. Твоите раце се со плускавци од миење садови во сендвичара. Во вечерните часови, кога детето ќе заспие, немаш кој да те прегрне. Кога има писмена работа на тема “мојот татко”, твоето дете потполно е збунето. Се си му објаснила. Си му кажала дека доволно го сакаш и за двајцата. Тој спие, а ти плачеш во креветот сама.
И тебе ти посакувам среќен Ден на Жената.
Ти не си професорка на факултет. Ти не носиш бел костум и убави чанти. Ти во црно здолниште секоја недела одиш на гробишта. На споменикот е неговото име, слика и годинита на раѓање и смрт. Твоите деца се веќе големи. Треба да се мажат и женат. И ти не си себична. Не се плашиш од нивното заминување. Ти си среќна ако тие се среќни, и ако за викендите ти ги донесат децата на чување.
Среќен Ден на Жената, жено.
Утре сите ќе зборуваат и пишуваат за бројот на менаџерките, професорките, докторките, директорките, за процентите во Собранието, за еманципацијата, за рамноправноста и нееднаквоста. А јас 8 март, одлучив да го посветам само на вас, во една од горенаведените категории.