Чешкиот напаѓач Патрик Шик и украинскиот репрезентативец Андреј Јармоленко го одбележаа Европското првенство со одлични погодоци досега.
Јармоленко постигна прекрасен гол против Холандија во поразот од 2:3, за еден ден да го засени Патрик Шик.
Шик постигна феноменален гол од скоро половина терен против Шкотска за 2:0.
Тоа е гол постигнат од најдолга далечина во историјата на Европското првенство. Го постигна од 46 метри.
Сега ќе се потсетиме на најубавите голови во историјата на Европските шампионати.
Започнуваме со легендарниот пенал од Белград во 1976 година.
Антонин Паненка го постигна славниот пенал во финалето на Европското првенство помеѓу Чехословачка и Западна Германија. Тоа беше невиден удар за титулата.
Четири години подоцна, Реј Вилкинс постигна одличен гол против Белгија. Ги префрли противничките играчи и на крајот лобираше кон белгискиот голман.
Веројатно најубавиот гол на сите времиња на Европското првенство, е дело на Марк Ван Бастен. Ван Бастен постигна волеј од мртов агол во финалето против СССР во 1988 година.
Истата година, Ирецот Рони Вилан постигна фантастичен гол против СССР.
Токму на овој ден, на 15 јуни 1996 година, Пол Гаскоин постигна одличен погодок против Шкотска на „Вембли“. Газа го прослави голот со сега познатата „стоматолошка столица“.
Европското првенство во 1996 година беше едно од најдобрите, ако не и најдоброто континентално првенство досега. Таму видовме уште два убави гола.
Карел Поборски против Португалија, кога ги префрли Витор Баиа и Алан Ширер против Холандија.
Најубавите голови не можат да поминат без Маниче. Дефанзивниот играч за врска имаше „бомба“ во десната нога и тоа го покажа во 2004 година против Холандија.
На тој шампионат, имавме и прекрасен кунг-фу гол на Златан Ибрахимовиќ против Италија.
Ибрахимовиќ повторно, овој пат против Англија во 2012 година.