Честите главоболки, промени во расположението и губење на рамнотежа се само некои од симптомите на рак на мозокот.
Без разлика за кој тип на тумор станува збор, симптомите се речиси незабележливи и многу суптилни на самиот почеток. Еден од најретките тумори е на мозокот, помалку од еден процент од светската популација страда од него. Сепак, нејзините симптоми тешко се откриваат.
Овие симптоми најчесто се појавуваат кога овој малигнен тумор почнува да се развива:
1. Постојани главоболки
Дури и на лекарите понекогаш им е многу тешко да ја направат разликата помеѓу главоболките или мигрените предизвикани од тумори на мозокот и оние предизвикани од други причини.
– Најчест показател е дневната главоболка која претходно не се појавувала и за која лековите немаат многу ефект – вели неврологот д-р Мајк Чен.
– Тие главоболки се влошуваат со текот на времето и често се присутни веднаш по будењето, кога интракранијалниот притисок е висок поради неколкучасовното лежење – објаснува д-р Чен.
2. Интензитетот на болката варира во зависност од големината и брзината на растот на туморот
– Мал, но брзорастечки тумор може да предизвика потешки главоболки од поголемиот што расте бавно – предупредува невро-онкологот д-р Сантош Кесари од Институтот Џон Вејн во Калифорнија.
Исто така, важно е да се знае дека не постои специфичен тип на главоболка кој би предвидел дали некое лице има тумор или не. Клучот е да обрнете внимание на она што одеднаш се случува со вашето тело. Доколку главоболката не престанува ниту со терапија, треба да посетите лекар кој ќе ја утврди точната причина.
3. Мускулна слабост
Моторниот кортекс на мозокот ги стимулира и контролира движењата на мускулите во телото. Десната страна ја контролира левата страна и обратно, а доколку има тумор, овие „патеки“ се целосно нарушени и функцијата за контрола на движењето на пациентот се губи или намалува.
Во случај на тумор на мозокот, можеби нема да имате болка, на пример, во ногата, но можеби ќе можете да ја движите побавно или воопшто да не ја движите. Сепак, слабоста на нозете може да значи и дека имате потежок недостаток на витамин Д.
4. Промена на расположението и ризично однесување
– Пациентите кои страдаат од тумори на мозокот може да развијат депресија, лутина или анксиозност, дури и ако претходно не покажале вакви емоции. Ова се случува кога туморот почнува да влијае на одреден дел од мозокот, кој е одговорен за особините на личноста – вели неврохирургот Сумит Вадера од Универзитетот Ирвин во Калифорнија.
Кај пациентите може да се појават и промени во однесувањето, тие може да се налутат, да се вознемират, да почнат да преземаат ризични активности, отворено и несоодветно да ја прикажуваат својата сексуалност или целосно да престанат да го прават тоа.
5. Губење на рамнотежа
Мозокот игра клучна улога во моторните функции. Ако ви е тешко да одите, особено во темница, а при одење се навалувате на едната страна, тоа може да биде симптом на рак на мозокот, предизвикан од тумори во малиот мозок, кој е одговорен за рамнотежа и координација на движењата. Проблемите со рамнотежата може да бидат и тивок знак за мултиплекс склероза.
6. Тешкотии во говорот
Друг типичен симптом на рак на мозокот е нејасен говор или „голтање“ зборови.
– Проблемите со говорот како што се пелтечење, тешкотии со именување познати предмети или разбирање на соговорниците често укажуваат на тумор во фронталниот или темпоралниот лобус, мозочните региони поврзани со моторните и говорните функции. Во мозокот има два говорни центри – полето на Верник, кое ни помага да го препознаеме и разбереме говорот и полето на Брок, кое ги активира мускулите кои произведуваат звук. Со тумори на мозокот често се загрозени и двете полиња – објаснува д-р Каруба.
