Околу 25 отсто од луѓето кои се во брак признаваат дека се уште се заедно само заради доброто на децата и оти кога тие ќе пораснат можеби ќе размислат за развод, покажуваат резултатите од една студија на британска адвокатска компанија.
Според оваа студија, луѓето кои во брак имаат деца, а сакаат да се разведат, сметаат дека морат да се жртвуваат заради доброто на детето, бидејќи му е потребно да расте со двајца родители, пишува „Дејли Мејл“.
И покрај тоа голем број студии покажуваат дека децата го чувствуваат незадоволство на родителите во брак и таквите одлуки можат да имаат долгорочно лоши последици за нив, као на пример преземање на лошо однесување поврзано со погрешните очекувања понатаму во животот. Колку и да се трудат родителите, децата секогаш ќе ја чувствуваат негативната атмосфера, колку и да се тивки конфликтите, тие секога ќе бидат тука.
Различни измами, емоционално оддалечување и станување како пријател или цимер се некои од главните прични за несреќа во бракот.
Топ десет изговори за останување во лош брак
- Премногу ќе загубам
- Се грижам дека тоа ќе има лошо влијание врз децата
- Не можам финансиски да си дозволам самостоен живот
- Не можам психички да го поднесам процесот на развод
- Сакам да дадам уште една шанса пред конечната одлука
- Разводот стигматизира
- Не сакам да се разведам заради парите на партнерот
- Се грижам како ќе го средиме старателството врз децата
- Стравувам дека нема да запознам никој друг и дека ќе останам сам(а).
- Има премногу работи кои не врзуваат.