Проблемот во дешифрирањето на календарот е фактот што циклусот во календарите вклучува период од 819 дена, а експертите не можеле да го споредат тој период со ништо.
Барем до сега.
Имено, антрополозите Џон Линден и Викторија Брикер од Универзитетот Тулејн веруваат дека конечно ја решиле оваа мистерија.
Антрополозите го „прошириле“ својот став, т.е. анализирале како функционира календарот во период од 45 години, а не само 819 дена, и го поврзале со времето потребно за небесен објект да се врати приближно на истата точка на небото (синодските периоди).
– Иако претходните истражувања имале обид да го поврзат календарот од 819 дена со позициите на планетите, неговата шема од четири дела е премногу кратка за добро да се вклопи со синодските периоди на видливите планети. Кога го проширивме календарот на 20.819 дена од периодот, се појави шема во која синодските периоди на сите видливи планети се пропорционални со точките во календарот – велат антрополозите.
Боите се исто така важни
Античкиот календар на Маите е всушност комплициран систем составен од помали календари, создадени во предколумбиската Мезоамерика. Се заснова на хиероглифи (знаци) и се повторува четири пати, при што секој блок од 819 дена одговара на една од четирите бои и, како научниците најпрво мислеле, на географските насоки.
Црвената се поврзувала со истокот, белата со северот, црната со западот и жолтата со југот. Дури во 1980-тите експертите сфатиле дека оваа претпоставка е неточна. Наместо тоа, белата и жолтата означуваат зенит и надир (интерпретација што одговара на астрономијата), пишува Science Alert.
Имало и други фактори кои укажувале дека бројот 819 е поврзан со синодските периоди на видливите планети на Сончевиот систем. На пример, Маите имале исклучително прецизни мерења на синодските периоди на Меркур, Венера, Марс, Јупитер и Сатурн.
Сепак, било тешко да се разбере како функционираат овие синодски периоди во контекст на календарот од 819 дена. Меркур не бил премногу проблем, тој има синодичен период од 117 дена, тоа е точно седум пати во тие 819. Но, што е со другите планети?
Сè се совпаѓа
Ако го прошириме календарот на подолг период, излегува дека секоја од видливите планети има синодичен период кој точно одговара на бројот на циклусот од 819 дена. Синодичниот период на Венера е 585 дена и тоа се совпаѓа со 7 серии од 819 дена. Марс има синодичен период од 780 дена, што е точно 20 периоди од 819 дена.
Истото важи и за Јупитер и Сатурн. Синодичниот период на Јупитер од 399 дена се вклопува точно 39 пати во 19 секвенци, а периодот на Сатурн од 378 дена совршено се вклопува во 6 секвенци.
– Проширувањето на стандардниот циклус од 4×819 дена на 20 периоди од 819 дена обезбедува поголем календарски систем со скали за синодските периоди на сите видливи планети. Наместо да се фокусираат тесно на секоја планета, „астрономите“ од тој период создале календар од 819 дена и го замислиле како поголем календарски систем што може да се користи за предвидување на синодските периоди на сите видливи планети, велат научниците.
Истражувањето, насловено The Maya 819-Day Count and Planetary Astronomy, е објавено во списанието Ancient Mesoamerica.
Бонус видео
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
