Старински кокос колачиња …
Потребно
За тестото
- 125 гр путер
- 50 гр шеќер
- 1 ванилин шеќер
- 1 лажица кисела павлака
- 1 јајце
- 100 гр кокос
- 150 гр остро брашно
- 1 лажиче прашок за пециво
За карамел кремот
- 200 мл слатка павлака
- 1 лажиче екстракт од ванила
- 200 гр шеќер
- неколку зрна сол
- 1 белка
- кокос
- 100 гр чоколадо за готвење
- 1 лажиче масло
Подготовка
Замесете го тестото. Путерот на собна температура изматете го со киселата павлака, шеќерот, ванилиниот шеќер и јајцето. Додадете го кокосот и брашното со прашокот за пециво во него и замесете тесто. Замотајте го во пластична фолија и ставете го да стои во фрижидер околу еден час.
За тоа време направете го кремот од карамел. Кондензираното млеко заедно со шеќерот и путерот ставете ги да се варат на средна температура околу 50 минути за да се згуснат малку. Промешувајте повремено за да не ви се фати смесата на дното. Тргнете го садот на страна.
Тестото извадете го од фрижидер и со раце откинувате од него парчиња и формирајте ги како топчиња. Топчињата потопете ги во благо изматена белка од јајце и потоа увалкајте ги во кокос.
Топчињата распоредете ги на тава обложена со хартија за печење, а потоа со крајот на дрвена лажица притиснете им ја средината.
Ставете ги да се печат во загреана рерна на 180 целзиусови степени. По 10-тина минути извадете ги од рерна и уште еднаш притиснете им ја средината. Средината наполнете ја со кремот од карамел.
Растопете го чоколадото со 1 лажиче масло и со ова на крај украсете ги колачињата.