Илјадници луѓе жалат за Принс | Солзи, цвеќиња, свеќи и пораки за заминувањето на музичката легенда

629

Илјадници луѓе се собраа во вечерните часови во Минеаполис за Принс, да жалат за загубата на нивниот сограѓанин чија музика ги помести границите и инспирираше генерации уметници од целиот свет.

Неговите обожаватели оставаа цвеќе, свеќи и пораки на оградата на имотот на музичарот во Пејсли Парк, а потоа се собраа во центарот на градот на целовечерна забава во негова чест.

Принс2-001

Мнозинството ја пееше „Purple Rain“ пред клубот на Минеаполис каде во 1984 година е снимен поголемиот дел од истоимениот филм, а зградите и мостовите во градот се „капеа“ во виолетови светла во исто време.

Во Њујорк фановите го прославија животот на Принц во легендарниот Аполо во Харлем каде што неговото име стоеше на големиот екран заедно со натписот: „Nothing Compares 2U“.

Во Бруклин, режисерот Спајк Ли покани илјадници луѓе на улично хорско пеење на песните на Принц.

Бдеења се одржани и во други градови, а градските знаменитости во целата земја од Лос Анџелес, преку Њу Ореланс и Сан Франциско до Бостон се осветлени со пурпурна боја.

Принс3-001

Принц беше пронајден  мртов во лифт во една од зградите во Пејсли Парк, каде живееше и имаше студио. Причината за смртта на еден од најпопуларните, најиновативните и највлијателните музичари во своето време, се уште не е позната.

Во меѓувреме и понатаму пристигнуваат изрази на сочувство и признанија на починатиот уметник.

– Светот изгуби креативна икона. Еден од најнадарените музичари во нашето време, рече американскиот претседател Барак Обама.

– Неговиот талент беше неограничен. Беше револуционерен, еден од највозбудливите музичари во последните 30 години, истакна Мик Џегер.

Започна аутопсијата на Принс

Принс4-001

Започна аутопсијата на американската поп ѕвезда Принс, кој почина на 57-годишна возраст во родниот град Минеаполис, во државата Минесота, соопштија американските лекари по судска медицина, пренесуваат светските агенции.

Докторите прецизираа дека замењето на материјал и истражувањето ќе потрае неколку дена, а за резултатите од конечната анализа, кои можат да покажат евентуално присуство на отровни материи или дрога во телото, се потребни и неколку седмици.

Нема да се даваат информации се додека не излезат конечните резултати од анализата, објаснија американските доктори по судска медицина.