Холандскиот истражувач Frank Hoogerbeets стекна слава откако наводно точно го предвидел турскиот земјотрес.
Тој сега тврди дека уште поголем земјотрес ќе има на територијата на Русија. Дали е можно да се верува на неговите прогнози и што мислат научниците за тоа?
Термини од астрологијата
Hoogerbeets не е професионалец, туку „цивилен научник“, самоук. Тој предвидува земјотреси со анализа на движењата на небесните тела на Сончевиот систем.
Во 2016 година ја развил програмата Solpage, која е основа за онлајн сервисот Solar System Geometric Survey. Програмата овозможува да се одреди позицијата на Сонцето, Месечината и планетите за кој било датум или период, да се одреди растојанието и аглите на кои се наоѓаат.
Се одредува положбата во која космичките тела се на иста должина во небесниот координатен систем. Кога се порамнуваат повеќе од два објекти, тогаш тоа се нарекува парада на планетите и тој термин го користат астролозите.
На веб-страницата на онлајн сервисот нема работа посветена на научното разјаснување на врската помеѓу небесните геометрии и сеизмичките активности на Земјата. Програмата Solpage не може да се преземе бидејќи има таен код.
Atmospheric fluctuations 2 March 2023. pic.twitter.com/mZOszWVSBP
— SSGEOS (@ssgeos) March 2, 2023
Плимата и осеката во земјината кора
Холандскиот истражувач признава дека не знае многу за геологијата и геофизиката, научните трудови и сеизмологијата. Ја следи само поврзаноста на некои планети, Месечината и Сонцето со Земјата и големите земјотреси. Својот метод го нарекува – планетарна геометрија.
Тој го измислил како главниот индикатор на големите сеизмички активноси Индексот на геометријата на Сончевиот систем (Solar System Geometry Index — SSGI).
Заменик-директорот на Институтот за физика на Земјата на Руската академија на науките, Рубен Татевосјан, забележува дека иако во земјината кора има плима под влијание на небесни тела, тие се премногу мали во споредба со силите на Земјата.
„Експертите дебатираат дали ова мало зголемување би можело да произведе активирачки ефект за големи настани. Но, тоа досега никој не успеал статистички да го докаже“, нагласува Татевосијан.
Значајно е што прогнозите на веб-страницата на холандскиот пророк не се објавуваат порано, туку во текот на денот. Тие понекогаш се совпаѓаат со извештаите за тековните настани.
На пример, за 1 март, веројатноста за сеизмички движења е 6-6,9 степени на 80 отсто, а од 7-8,4 на 70 отсто, додека е поголема од 8,5 отсто на 50 отсто. Според Европско-медитеранскиот сеизмолошки центар, земјотрес со јачина од 6,5 степени според Рихтер се случил во близина на источниот брег на Нова Гвинеја.
#earthquake M 6.4 – BISMARCK SEA – 2023-03-01 05:36:15 UTC pic.twitter.com/zENe3fCwHE
— SSGEOS (@ssgeos) March 1, 2023
Незабележлив „мегаземјотрес“
Hoogerbeets предвидува „мегаземјотрес“ со јачина од 8,5 степени и повеќе, кој наводно ќе ги погоди Камчатка и Курилските острови на почетокот на март.
Како пример, научникот го наведува земјотресот на островот Шикотан во 1994 година. И покрај јачината од 8,4 степени, не привлекол посебно внимание поради малата густина на населеност на Курилските острови и недостатокот на значително уништување.
„Се разбира, можно е земјотресот навистина да се случи, но прогнозата на Hoogerbeets не може да се препознае како валидна“, додава Татевосјан.
My reply to Alina Winter (below).
Strong to major earthquakes have occurred in the Levant (Lebanon) throughout history. Here is an overview of known earthquakes since 551 AD.
It is impossible to say when and where exactly the next earthquake will occur in this region. https://t.co/7h1T7ietK9 pic.twitter.com/Pgzlvbh6B0
— Frank Hoogerbeets (@hogrbe) March 1, 2023
„Без предвидување“
Цивилниот научник се прослави по февруарската трагедија, кога на социјалните мрежи се прошири скриншот од неговата страница на Твитер. Судејќи според датумот на објавата, 24 часа пред првите потреси, Холанѓанецот напишал:
„Порано или подоцна во овој регион Југоцентрална Турција, Јордан, Сирија, Либан, ќе се случи земјотрес со јачина од 7,5 степени“.
Татевосијан се сомнева дека тоа навистина било прогноза и додаде дека со сеизмологија се занимава речиси 40 години и дека во тој период имал само две прецизни набљудувања, но дека не предвидел земјотрес.
Руските експерти не ја исклучуваат можноста за ваков настан во областите погодени во февруари. Турција е регион со голем број на сеизмички движења, а во изминатите 120 години имало 13 земјотреси со јачина над седум степени.
Во 1970 година, советските научници откриле метод за идентификување на сеизмичките зони, кои се наоѓаат на границата на литосферските блокови. Епицентарот на земјотресот на 4 февруари се совпаднал со една таква точка.
Науката не може да го предвиди точниот датум на слична катаклизма. Сепак, научниците забележуваат дека постои зголемен ризик од земјотреси.
Институтот за теорија на предвидување земјотреси и математичка геофизика на Руската академија на науките полугодишно ја ажурира проценката на ситуацијата врз основа на алгоритмот М8, кој ја пресметува веројатноста за настан од осум степени. Анализата е изградена врз основа на анализата на слабите потреси во регионот.
Зоната на турскиот епицентар стана опасна според алгоритмот М8 пред две години и тоа го потврди прогнозата од почетокот на јануари. Иако руските научници не ја објавија таа вест на социјалните мрежи.
