Кога станува збор за козметичките процедури, можеби онаа која шири најизмешани чувства, е депилацијата на интимната зона.
Да, несомнено потоа ќе се чувствуваме свежи, убави и чисти, но процесот, додека ги постигнеме овие резултати, може да биде многу болен и непријатен.
Според различни салони, доаѓањето на топлите месеци го зголемува прибегнувањето кон процедурата и тоа е сосема нормално.
Како и со сè, таа има некои основни правила кои се покажува дека не им се толку познати на дамите.
Ви претставуваме што треба да се има предвид и ви даваме информации за работите со кои е веројатно дека не сте запознаени.
1. Станува полесно
Многу луѓе не сфаќаат веднаш дека постапката станува полесна и побезболна по секоја следна посета. Понекогаш се колебаме дали да пробаме или често не продолжуваме откако еднаш сме се обиделе, бидејќи се откажуваме поради болката. Имајте на ум дека откако сте поминале низ деби со депилација на триаголникот, најлошото е веќе далеку.
2. Никогаш не користете восок за прв пат, ако сте бремени
Ако сте се подложувале на постапката пред да забремените, можете да продолжите со неа. Многу често дамите посетуваат козметички салони ден или недела пред датумот на раѓање, бидејќи времето после кое ќе можат да се подложат на постапката, може да не е наскоро. Многу потежок е восокот за прв пат, додека сте бремени, бидејќи влакненцата се многу цврсти и со здрав корен. Ова се должи на хормонската промена во организмот. Пожелно е да не се подложувате за прв пат, ако сте во првите три недели.
3. Внимавајте на знаците во салата
Голем проблем е хигиената во козметичките салони и тоа е нешто на што треба да обрнете внимание штом ја минете вратата. Ако забележите само обична завеса, наместо посебна просторија да се пресоблечете, тогаш сигурно тоа не е вашето место. Други индикатори се недостатокот на чепкалки за нанесување за еднократна употреба и ракавици, како и валкана просторија.
4. Можете да се подложите на депилација, ако сте во “оние денови од месецот”
Но, не и ако ви е за прв пат. Важно е да се држиме до нашиот распоред за таков тип постапки, но не се препорачува да дебитира со услугата во овој период. Тоа е така, бидејќи искуството ќе биде уште потешко отколку обично. Кожата е многу чувствителна и можно е да се појави црвенило и дури и оток. Во спротивно, само ставете тампон.
5. Основните резултати си ја заслужуваат болката
Влакненцата секогаш ќе стануваат потенки, меки и ќе растат значително поретко отколку обично. Степенот и трајноста на овие ефекти е строго индивидуална и зависи од типот на кожата и влакната кои ги имате. По 3 или 4 посети можете да имате до 50% помалку влакна, додека кај други може да се потребни 5-6 процедури.