Една нова студија открива дека огромно небесно тело паднало на Марс пред околу 2,3 милиони години и сериозно ја оштетило неговата површина.
Кога експлодирал, предизвикал околу 2 милијарди помали кратери.
Главниот ударен кратер, познат како Corinto, е со дијаметар од околу 14 километри и се наоѓа на широката рамнина на Elysium Planita која го преминува екваторот на Црвената планета.
Се проценува дека астероиди способни да остават таков гигантски белег удираат на површината на Марс само на секои 3 милиони години.
Тоа значи дека Corinto би можел да биде најмладиот кратер со неговата големина на Црвената планета, откриваат истражувачите на 55-тата годишна конференција за лунарната и планетарна наука во Тексас, овој март.
Секундарни карактеристики
„Corinto е свеж ударен кратер во регионот Elysium Planitia кој создадл еден од најобемните секундарни кратерски системи на Марс“, напишале истражувачите во студијата презентирана на конференцијата.
Тимот користел податоци собрани од Експериментот за сликање со висока резолуција (HiRISE) и камерата Context Camera (CTX) на Mars Reconnaissance Orbiter (MRO) за да го проучува Corinto и неговата околина.
Објектот создаден од Corinto го прекрил околниот пејзаж со помали кратери, додека фрагментите се расфрлале во форма на зрак што е видлив и денес. Овие секундарни кратери се концентрирани во областа јужно и југозападно од Corinto, при што најоддалечените исфрлени делови слетале на 1.850 километри од главниот кратер.
Истражувачите ги поделиле секундарните кратери во четири „фази“ врз основа на нивната форма и растојание од главниот кратер. Кратерите од фаза 0, најблиску до Corinto, изгледале полукружно, додека најоддалечените, кратерите од фаза 3, биле долги и тесни.
Големата рамнина
Elysium Planitia, сместена во четириаголниците на Elysium и Aeolis, е широка рамнина што се протега низ екваторот на Марс, со центар на 3,0 °N 154,7 °E. Се наоѓа јужно од вулканската провинција Elysium, вториот по големина вулкански регион на планетата, по Tharsis.
Elysium ги содржи главните вулкани Elysium Mons, Albor Tholus и Hecates Tholus. Друг постар штитовит вулкан, Apollinaris Mons, се наоѓа јужно од источна Elysium Planitia.
Во рамнините, Cerberus Fossae е единствената локација на Марс со неодамнешни вулкански ерупции. Пронајдени се текови на лава кои не се постари од 200.000 години од денес, а пронајдени се докази дека вулканската активност можела да се случи дури пред 53.000 години. Таквата активност може да обезбеди животна средина, во смисла на енергија и хемикалии, потребни за одржување на формите на живот.
Најголемите кратери во Elysium Planitia се: Eddie, Lockyer и Tombaugh. Planitia има и речни долини, од кои едната, Athabasca Valles, можеби е една од најмладите на Марс. На североисточната страна се наоѓа издолжена вдлабнатина наречена Orcus Patera, а оваа и некои од источните рамнини биле фотографирани во 1965 година од орбитерот Mariner 4.
