Џем од убави малини со додаток на ванила и свежи листови нане …
Потребно
- 2 кг малини
- 1 кг шеќер
- изрендана кора од 1 лимон
- 1 ванила стапче
- 1 рака свежи листови нане
Подготовка
- Малините измијте ги убаво, исцедете ги и додадете го шеќерот. оставете ги да стојат околу 4 часа.
- Ставете ги во едно тенџере да се варат на појака температура, а кога ќе почнат да вријат намалете ја температурата и варете ги на тивко. Со лажица вадете ја пената која ќе ја пуштат малините додека се варат.
- По 25 минути откако ќе ја намалите темературата додадете ја ситно изренданата кора од лимон и со остро ноже изгребете ги семките од стапчето ванила. Додадете ги и листовите нане.
- Џемот варете го уште 10-15 минути и потоа направете проба така што земете едно лажиче од џемот и ставете го на чиста сува чинија. Џемот треба да се стврдне по околу 15-тина секунди. Ако тоа не се случи значи џемот не е сеуште готов и треба да го доварите.
- Врелиот џем сипете го во врели тегли и затворете ги со стерилизирани капаци. Потоа преврте ги од опачината и оставете ги така да се изладат. Кога ќе се изладат превртете ги и ставете ги да стојат на темно место.