Депресијата влијае врз способноста за донесување одлуки
Неодамнешната американска студија покажа дека депресијата може значително да го попречи процесот за размислување и донесување одлуки.
Депресијата се карактеризира со целосно забавување на организмот – освен чувствата на тага и апатија. Се јавува интензивен замор, промена во апетитот, проблеми со сонот, како и отежната концентрација.
Меѓутоа американските истражувачи утврдија дека оваа често потценувачка и занемарувана болест влијае и на способноста за процесирање на информациите и решавање на проблемите во секојдневниот живот.
Одредени животни навики можат да ги намалат симптомите на депресија.
Избалансираната исхрана богата со намирници што содржат омега-3 масни киселини, витамин Б-комплекс, и триптофан поволно влијаат на расположението и севкупното здравје.
Редовната физичка активност, дури и да е тоа само прошетка, исто така ги намалува симптомите на депресија.