Christian Louboutin доби ексклузивно право на црвените ѓонови

237

Познатиот моден дизајнер на чевли Christian Louboutin, чии високи потпетици со црвен ѓон се светски познати, го доби спорот пред Европскиот суд на правдата.

Францускиот дизајнер сакаше да спречи холандска модна фирма „Ван Харен“ да комерцијализира свој бренд чевли со црвен ѓон.

Според европското законодавство, фирмите не смеат да ја заштитат „формата“ на производите како сопственост, што беше главниот аргумент на одбраната на „Ван Харен“, која смета дека бојата на ѓонот на чевлите на Louboutin се дел од „формата“ на производот и дека според таа логика тој нема ексклузивно право врз таквиот вид на подлоги.

Европскиот суд на правдата сепак ја отфрли аргументацијата на холандската компанија и ја потврди ексклузивноста на црвените ѓонови, типични за чевлите на Louboutin.

Лубутен, како што рече, „топло“ ја поздрави одлуката на Судот.

Холандскиот суд пред кој прво беше отворен случајот сега ќе треба да ја спроведе одлуката, а „Ван Харен“ нема да смее да комерцијализира ист вид на чевли.