Кога станува збор за напнати односи меѓу Бугарија и Македонија, треба да бидат земени предвид и Србија, Косово и Албанија, смета Бојан Чуков, експерт во областа на меѓународната безбедност.
Како што изјави, во ноември 2020 година, Белград активно ја промовираше идејата за таканаречениот мини-Шенген, чиј дел ќе бидат Србија, Македонија и Албанија.
Белград се обидува, во економска смисла, да се вгнезди во Северна Македонија и да го привлече албанскиот фактор на своја страна – сето тоа на штета на интересите на Бугарија, смета Чуков.
Неодамна беше објавена анализа од српски експерт кој рече дека овие прашања ќе бидат чисто економски. Тој дури даде и пример: сè ќе биде подобро, кога српските бизнисмени ќе отворат ресторани со српска скара на Охридското Езеро. Тоа е, Србија се обидува уште повеќе, економски, да владее со Северна Македонија. Ова е направено, се разбира, на штета на бугарските интереси. Во Северна Македонија се зголемува антибугарската хистерија, што го попречува развојот на нашите билатерални односи и и дава можност на Србија целосно да владее со Северна Македонија – рече експертот за радиото „Фокус“.
Во исто време, Софија во моментов не реализира заеднички проекти со Скопје, како што е изградбата на Коридорот 8, што ќе овозможи воспоставување на железнички сообраќај меѓу главните градови, повлекување на оптичкиот кабел и изградба на голем автопат – нагласи Чуков.
Според него, Бугарија треба да започне со спроведување на проекти што ги промовираат и Соединетите држави.
За жал, во последните 30 години бугарските влади се прилично пасивни и не гледаат подалеку од нивните четиригодишни мандати, а ваквиот проект треба да го поддржува и развива секоја влада, без оглед на тоа која е владејачката партија или коалиција – верува експертот.
Tој обрна внимание на зборовите на бугарскиот историчар Јордан Величков: Србија сака Северна Македонија да ја претвори во Јужна Србија.
Еднаш беше разговарано дека Прешево, Бујановац и Медвеѓа припаѓаат на Косово, и дека на Србија и е даден друг територијален надомест. Не заборавајте дека никој не може да каже каде поминува границата меѓу Косово и Северна Македонија – поточно, таа поминува низ средината на одредени албански села. Тоа се истите планови што Белград ги спроведува веќе подолго време, додека ние во Бугарија се правиме дека не го гледаме тоа – заклучи експертот.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
