Ако вашата мајка имала проблеми со срцето, имате 20 проценти повеќе веројатност дека ќе ги имате и вие, откриле четири одделни научни студии.
Освен бојата на очите, обликот на носот, градбата на телото, од родителите, за жал, наследуваме и разни болести.
Прв на листата е високиот холестерол, тврди американскиот генетичар Шивани Назарет.
– Еден од 500-те луѓе има генетска мутација која предизвикува фамилијарна хиперхолестеролемија – наследна болест која може да биде причина за предвремен срцев удар или мозочен удар – вели Назарет. Таа додава дека заболените тешко го контролираат холестеролот кој се акумулира во вените.
Рак на дојка и ќелавоста
Додека двата родители може да бидат виновници за висок холестерол, ракот на дојката се наследува од таткото.
Имено, секој човек е роден со гените BRCA1 и BRCA2 кои не создаваат здравствени проблеми додека не мутираат. Но, жените кои ќе ја наследат мутацијата на еден или на двата BRCA гени од нивниот татко, имаат поголем ризик од рак на дојка, особено ако и мајката ја има таа мутација. Д-р Назарет појасни дека овие гени не се опасни за здравјето на мажите, бидејќи ракот на дојката е ретка појава кај машката популација, додека истото не може да се каже и за жените.
Ако за губење на косата ја обвинувате машката страна на семејството – се обраќате на погрешна адреса. Ген кој игра клучна улога кај ќелавоста се наоѓа на хромозомот Х, кој мажите секогаш ја наследуваат од мајките, додека истите гени ги носат од двата родитела.
Продолжува на страна 2
Дијабетес
За дијабетес тип 2 најчесто се виновни неуредниот начин на живот, но истражувањата покажуваат дека дури и 5 проценти од младите имаат знаци на оваа болест, иако не се со прекумерна тежина и редовно вежбаат. И тука е проблемот на генетската мутација, па се работи за форма на дијабетес кој научниците го именувале MODY.
– Раното препознавање на пациентите со MODY поттипот на дијабетес многу е важно, затоа што им е потребна поинаква терапија која може да ја контролира болеста со години без компликации – вели Назарет.
Компликациите се јавуваат при нетолеранција на лактоза
Природната нетолеранција на лактоза е ретка болест предизвикана од мутација на генот кој го произведува ензимот лактаза. Се манифестира со силна водена дијареа која се јавува кратко по првиот оброк на млекото (доење).
– Вродената интолеранција на лактозата се јавува ретко, но 65 проценти од возрасните почувствувале гастроинтестинални нарушувања по конзумирање на млечни производи – вели Назарет. Таа додава дека кај повеќето луѓе чувствителноста на лактоза се намалува со возраста.
Главоболки и ментални болести
Склоност на долготрајни и тешки главоболки придружени со гадење се наследува во околу 70 до 80 проценти од случаите, тврди д-р Кејт Хенри од Универзитетот во Њујорк. Научниците откриле дека генот наречен треск предизвикува појави на мигрена, а честопати го наследуваат од родителите.
Ако мајката имала проблеми со срцето, имате 20 проценти повеќе шанси дека ќе ги имате и вие, откриле четири одделни научни студии. Начинот на кој претходниот инфаркт на мајката влијае врз нашата склоност кон него не е целосно разјаснет, но сепак е очигледен, велат експертите.
Околу 10% изнесува веројатноста дека ќе ја наследите склоноста за заболување од депресија, открил американскиот Институт за ментално здравје. Експертите објаснуваат дека депресијата е само една од психичките болести кои можат да се наследат, со биполарно растројство и шизофренија.