Состојка која често се користи во скоро секоја кујна, лукот е една од најпознатите природни лековити намирници
Покрај тоа што лекува од грип и настинки благодарејќи на антибактериското дејство, лукот е лесно применлива намирница и во многу други ситуации. Погледете кои:
Акни
Една од предностите на лукот, секако е неговото корисно дејство на убавината, всушност сокот на оваа намирница ги лекува акните и мозолчињата. Доволно е да се згмечат две чешниња и смесата да се стави на местото на воспалението, резултатите ќе бидат видливи по неколку минути, кога отокот околу мозолчињата ќе се смири.
Херпес
Вирусна инфекција на усните добро позната како херпес е многу непријатна појава, но се лекува ако на неа ставите чешне лук и го држите директно на болната област околу 10 минути. За ефективни резултати постапката повторете ја пет пати во текот на денот.
Воспаление на увото
Лукот исто така, помага и во лекувањето на инфекции на увото, а рецептот е брз и лесен. Во лажица со топло маслиново масло ставете смачкано чешне лук и оставете да одлежи еден час, накапете неколку капки во увото и истото повторете го двапати на ден.
Продолжува на страна 2
Иверка под кожата
Мал дел од дрвото, кој ќе се завлече под кожата тешко е да се отстрани надвор, но со помош на лук ставен на болното место и покриено со фластер иверката лесно ќе дојде до површината.
Губење на косата
Лукот е познат и по своето делотворно дејство врз обновување на коренот, па ако ја губите косата, неколку пати неделно истријте го со маслото од лук или со самиот лук и оставете да делува најмалку 10 минути.
Сируп за кашлица
Овој зеленчук делува како антибиотик па може да помогне и во борбата против кашлица. Ситно насецкани две чешниња лук ставете во децилитар топла вода, оставете да отстои неколку минути, а потоа пијте го како чај.
За нега на кожата
Алицинот, соединението во лукот помага да омекне кожата и ја прави мазна. Додадете малку смачкан лук во маска за лице, задржете ја неколку минути подолго од планираното и исплакнете со млака вода. Чист тен и свежиот изглед резултати се од оваа лесна постапка .