Повеќепати ви се случило да потрошите многу пари купувајќи некој производ, верувајќи дека е оригинален, а наскоро се испоставило дека е само верна копија од многу полош квалитет.
За да не ви се случува тоа повторно, време е да научите како да ги разликувате лажните од вистинските брендови.
Затоа, подготвивме десет корисни совети кои ќе ви помогнат во откривањето на измамите.
1. “Levi’s” фармерки
* Сите фармерки на овој бренд имаат карактеристичен штеп во облик на лак на задниот џеб, мала буква “е” на етикетата (голема е само на копиите) и дуплиран сериски број и на внатрешната страна на појасот. * Копчињата се направени од метал и имаат гравиран “Levi Strauss” потпис на горната страна, а на долната сериски број. Нитните се изработени од челик и имаат сериски број и од една и од друга страна.
2. “Lacoste” поло маици
* Копчињата се со различни бои, бидејќи тие главно се направени од седеф. Тие се рамни, со благо испакнување во средината. Копчињата имаат две дупки и немаат натпис на себе. * Зелениот крокодил е специјално шиен, а потоа закачен на маицата. Се наоѓа на левата страна на маицата, поблиску до долниот дел од копчето (оние кои прават копии обично забораваат на ова). Деловите на крокодилот се јасно разграничени.
3. “Victoria’s Secret” костим за капење
* Сите костими за капење на оваа марка се направени од двојна ткаенина. Еднобојните парчиња можете лесно да ги проверите со повлекување на горниот и долниот слој во различни насоки. * Постојат 5 големини: XS, S, M, L и Xl. Копиите обично имаат само S, M и L големина. Големината на жичаните градници се означени како и другата долна облека (34А, 34В, итн.). Етикетите секогаш се розови, црни, бели или проѕирни. Земјите на производство се Кина и Шри Ланка.
Продолжува на страна 2
4. “Rolex” часовник
“Rolex” часовниците се направени од сафирно стакло. Ако на него ставите капка вода, таа ќе остане капка. Делот за календарот е малку подигнат. Од другата страна на стаклото има мала слика на круната во близина на бројот 6 (во сите модели по 2002. година). * Секундарникот се движи непречено, без скокови. Дури и ако се обидете да го слушнете, нема да чуете тик-так звук. * Копиите на часовниците “Rolex” обично имаат проѕирна позадина. Оригиналните модели секогаш имаат метален капак со сериски број и знак врежан под него.
5. Ray-Ban очила
* Кутијата е направена од кожа и ги има следните карактеристики: нерамномерна е на допир и има лого Ray-Ban на копчето. Лево од копчето е печатот на компанијата. Предниот дел од кутијата е груб, додека задниот дел е мек. Во внатрешноста има црн велур. * Левото стакло на сите модели има знак Ray-Ban кој не може да се отстрани. Десното стакло има ласерски гравир од внатре или од надвор. * На левата рачка има сериски број кој започнува со RB. Ги содржи следниве информации: бојата на стаклото, нивото на затемнување, дијаметарот на леќата и големината на носниот мост. На десната рачка се наоѓа името на моделот, буквата што ја означува фабриката за производство и етикетата со европски стандарди за безбедност.
6. “Converse” патики
* Ѓонот не е помал од 3 см. На задната страна има знак “ALL STAR” (со ѕвезда во средината на натписот, понекогаш е поврзан со буквата “Р”) и ништо повеќе. Converse патиките секогаш се продаваат заврзани. * Налепницата на задниот дел на јазикот се подигнува на допир (лажните модели имаат мазна хартија). Горниот дел има два широки раба. Етикетата има сериски број кој има 6 знаци.
Продолжува на страна 3
7. “Air Max” спортски патики
* Оригиналните модели имаат воздушен модул под пластичниот капак. Лажните модели немаат воздух под пластиката. За да ја проверите воздушната комора, треба да ја притиснете патиката. Оригиналните модели тешко се притискаат и брзо се враќаат во нивната оригинална форма. * Од 2008 година, етикетите се прицврстуваат со помош на топлина, така што не треба да има никакви конци. Серискиот број е код од 6 карактери; следните три знаци се кодови на бои. Ѓонот е направен од високо квалитетна гума, малку замаглена.
8. “Christian Louboutin” чевли
* Кога се поставени на рамна површина, прстите и петиците на оригиналните чевли ќе бидат на исто ниво; стапалото цврсто прилега на земјата. Штиклите и страничните делови не се високи (тоа е заштитен знак на брендот) и екстремно се закривени. Главниот дел од чевлите и штиклите се направени од ист материјал. * Ѓонот е секогаш со јасна, црвена боја, со печатите “Christian Louboutin”, “Made in Italy” и со бројот на чевлите. Ниту еден друг печат или натпис не е дозволен.
9. “Apple” слушалки
* Оригиналните слушалки се продаваат во пластична кутија со син натпис (лажните обично имаат жолт). Тежината на кутијата заедно со производот е околу 51 грам. * На слушалките нема траги на лемење. Отворите за звучниците се изработени од метал (копиите обично се пластични). Фалсификатите обично немаат ознаки за лево и десно.
10. “Samsung” телефони
* Оригиналните телефони имаат AMOLED дисплеј. Една од неговите карактеристики е светла црна боја. Лажните производи се обично сиви, сини или кафеави. * Ако внесете *# 7353 # код, оригиналните телефони на Samsung Galaxy ќе го отворат менито за тестирање на апликации. Комбинацијата *#0*# ќе ви помогне да ги тестирате екранот, звучниците и другите функции на телефонот. * Под батеријата се наоѓа код на моделот, серискиот број и IMEI. Ако го напишете *#06#, на екранот ќе ви се појави IMEI плус серискиот број (работи само кај некои модели).