10 навики во исхраната кои треба да ги практикувате по 40-тите

4573

Иако оваа заокружена бројка носи многу фантастични работи, факт е дека повеќе не можете да се водите со некои од здравствените принципи кои сте ги воделе додека сте биле во 20-тите и 30-тите години.

Собравме совети за исхраната кои можат да ви помогнат, па дури и да спречат некои од здравствените проблеми кои можат да дојдат во овие години.

1. Забрзајте го вашиот метаболизам

Постојат неколку причини зошто некои луѓе имаат побавен метаболизам и за жал, возраста е еден од главните виновници. Но, не грижете се, постојат одредени начини на кои можете да го поттикнете вашиот метаболизам, а исхраната е од суштинско значење. Почесто јадете и не прескокнувајте ги оброците. За да добиете подобри резултати, вклучете повеќе протеини во исхраната. Тие ќе помогнат во одржувањето на мускулната маса и ќе ве наситат.

2. Изберете цели зрна наместо рафинирани

Целите зрна се одличен извор на витамин Б, калиум, магнезиум и влакна, кои помагаат во варењето и го намалуваат ризикот од проблемите со срцето, прекумерната телесна тежина и дијабетесот.

Истражувањата покажале дека возрасните кои консумираат три или повеќе порции со цели зрна на ден, и така го намалуваат внесувањето на рафинираните и преработените житарици во еден оброк имаат околу 10 проценти помалку масти во пределот на стомакот и половината.

3. Не ги заборавајте јаткастите плодови

Тие се богати со масти, имаат малку јаглехидрати и голем број на хранливи материи. Содржат и антиоксиданси кои ги штитат клетките, го намалуваат нивото на лош холестерол и можат да помогнат со дијабетес тип 2, а многу се добри и за срцето. Но, бидете внимателни со нив, доволен е грст јаткасти плодови за да ги извлечете сите добри работи од нив.

4. Леќа е добар избор

Леќата е одличен извор на влакна и витамин Б9 кој е, исто така, познат како фолна киселина. Леќата може да помогне да се намали нивото на лошиот холестерол и да се намали ризикот од проблемите со срцето, дијабетесот и дебелината.

Важениот минерал селен, кој, исто така, е присутен во леќата помага во борбата против ракот, когнитивниот пад кај постарите луѓе, па дури може и да ја подобри хроничната астма.

5. Да не сте заборавиле на добрите бактерии?

Производите како што се кефирот, јогуртот и комбухата (ферментирани пијалаци со многу пробиотици, ензими, витамини Б, витамин Ц, антиоксиданси, минерали) содржат пробиотици кои помагаат во одржување на здрави црева. Секојдневно земање на некои од производите или земање додатоци во исхраната особено е корисно за жени на возраст над 40 години.

6. Одлучете се за мрсна риба

Рибата е одличен извор на омега-3 масни киселини и витамин Д, кои не само што помагаат во спречување на болести, одредени видови на рак, дијабетес, тие помагаат и кај депресијата, АДХД, па дури и шизофренијата. Тие, исто така, помагаат при ублажување на симптомите на менопаузата. Се препорачува конзумирање еднаш или три пати неделно. Според Американското здружение за срце (American Heart Association), најздрав избор се лососот, харингата и сардината. Ако не ви се допаѓа рибата, секогаш можете да зборувате со вашиот лекар за земање дополнително на рибино масло.

7. Пробајте зелено кафе

Зелените зрна кафе, се не печени зрна и затоа имаат повеќе хранливи материи. Овој тип на кафе има висока количина на антиоксиданси кои можат да помогнат во борбата против стареењето.

8. Јадете порано

Луѓето кои јадат подоцна во текот на денот (од пладне до 23 часот) повеќе се склони кон вишок килограми и имаат повисоко ниво на инсулин и холестерол отколку оние кои јаделе д 8-19 часот.

Доцните оброци можат да предизвикаат и некои хронични болести како што се дијабетес и болести на срцето. Ако почнете да јадете порано, ќе имате повеќе енергија.

9. Засилете ги коските

Речиси секоја клетка во човечкото тело на некој начин користи калциум. И како што старееме, помалку апсорбираме калциум од храната, што доведува нашето тело да го зема од коските. За да се спречи недостаток на калциум, вашата исхрана треба да содржи млечни производи, семки, лосос, сардини, грав, бадеми, брокула …

10. Додадете малку боја во вашата исхрана

Многу овошје и зеленчук содржат антиоксиданси, но не го содржат сите најмоќниот anthocyanin. Истражувањата покажале дека храна со висока концентрација на антоцијанин, како боровинките, брусницата, haskap-от, цвеклото, виолетовата зелка или црешите, можат да ја подобрат деменцијата и состојбата на кардиоваскуларниот систем кај жените.