Големите планови за патувања за многумина во моментов се на „мирување“, но тоа не значи дека не можеме да фантазираме за дестинациите што ќе ги посетиме еден ден.
Второто издание на книгата објавена од „Lonely Planet“ – „Ultimate Travel List“, што ги носи 500-те најдобри места во светот за гледање и доживување, може да ни помогне во тоа. Ви ги претставуваме најдобрите десет.
10. Прошетајте низ Анапурна, Непал
На оваа прошетка поминувате низ полињата со зелен ориз, пасиштата јак, но и снежниот планински превој Торунг Ла. Некои делови се тешки дури и на голема надморска височина, како што е езерото Тиличо, но со оглед на тоа каков душевен одмор можете да доживеете тука – се исплати.
9. Салар де Ујуни, Боливија
Салар де Ујуни е најголемото „природно огледало“ на светот, се чувствувате како да шетате низ облаци. Посебно нешто се случува по дожд, кога водата на солено езеро создава илузија на стакло во кое се рефлектира небото, и кога нема врнежи, површината е зашиена со необични форми…
8. Храмови во Ангкор, Камбоџа
Прекрасни храмови опкружени со џунгла кои се наоѓаат на списокот на наследство на УНЕСКО. Ангкор Ват, најпознатиот храмски комплекс, е всушност планината Меру, населена со хиндуистички богови.
7. Водопади Игуазу, Бразил – Аргентина
Водопадите што ги делат Бразил и Аргентина се состојат од 275 водопади, а највисокиот, познат и како Ѓаволско грло, е длабок 80 метри.
6. Бледско езеро, Словенија
На врвот на листата се најде езеро во нашето соседство, со зелен остров на кој се наоѓа црквата. Порано аџиите доаѓаа во црквата, а во 19 век таму почиваа членовите на кралското семејство.
5. Национален парк Јелоустоун, САД
Националниот парк Јелоустоун е најголемата геотермална област на планетата. Гејзери, има над 500 активни, но и мноштво диви животни како што се бизони, волци и гризли, се само дел од возбудливата атмосфера на ова место.
4. Делта Окаванго, Боцвана
Реката што се влева во пустината е уникатен природен феномен во чија област се наоѓаат најскапоцените природни живеалишта на Боцвана. Таа е една од врвните дестинации за сафари. Може да го обиколат чамци, но и традиционални чамци познати како „мокоро“.
3. Национален парк Улуру Ката Јута, Австралија
Свето место за народот Анангу, кој верува дека тука живеат духовите на нивните предци, но може да наидете и на коала, динго …
2. Остров Галапагос, Еквадор
Сонот на љубителите на природата и сите еко патници, Галапагос е дом на некои од најневообичаените суштества во светот, вклучително игуани, желки, пингвини.
1. Петра, Јордан
Некогаш напуштен град во карпа, кој беше заборавен илјада години, е совршено место за авантуристи кои сакаат да ја посетат единствената дестинација.